Project SERPO, Kasunduan ng US at Ebens

 

Ang Project SERPO ay ang lihim na kasunduan ng Estados Unidos at mga Ekstra-Terestriyal na tinawag sa pangalang Ebens mula sa Zeta Reticuli Binary Star System, may layong 39 light years mula sa planetang Earth.

 

Nagsimula ang US-Zeta Reticuli Exchange Program noong 1965 hanggang 1978, nang magpadala ang US ng 12 kagawad ng militar sa Planetang Serpo. Nanatili ang mga tao sa planetang yun ng sampung taon, ngunit walo sa mga ito ang nagawang makabalik, dalawa sa kanila ay namatay, ilang taon ng pananatili sa naturang planeta, samantalang dalawang iba pa ang inatasang manatili doon.

 

Ang naturang sikretong programa ay isiniwalat ng isang dating empleyado ng US Government na nagpakilala sa alyas na Request Anonymous kung saan siyang dahilan kung bakit nilikha ni Bill Ryan ang isang website tungkol dito (http://www.serpo.org/release1.asp).

 

Marami ang kumuwestyun sa naturang expose at sinabing ito ay gawa-gawa lamang para sa personal na benepisyo ng iilang tao, ngunit hindi matawaran ang kabuuan ng detalye kung ano ang karanasan ng mga taong ipinadala sa planetang Serpo.